नाशिक दिनकर गायकवाड बसमध्ये चढत असताना गर्दीचा फायदा घेऊन अज्ञात चोरट्याने दोन महिलांच्या गळ्यांतील मंगळसूत्रे चोरून नेल्याची घटना ठक्कर बझार बस स्थानकात घडली.
फिर्यादी अर्चना योगेश साप्ते (रा. शेनित,ता. इगतपुरी, जि. नाशिक) या व त्यांच्या आजी ठक्कर बझार बस स्थानक येथे गावी जाण्यासाठी आल्या होत्या. या महिला नाशिक ते घोटी-इगतपुरी बसमध्ये चढत असताना अज्ञात चोरट्याने गर्दीचा फायदा घेऊन या दोन्ही मुलींच्या गळ्यांतील अनुक्रमे २५ हजार रुपये किमतीचे साडेतीन ग्रॅम वजनाचे व ३० हजार रुपये किमतीची चार ग्रॅम वजनाची दोन मंगळसूत्रे असे ५५ हजार रुपये किमतीचे दागिने लबाडीच्या इराद्याने चोरून नेले. या प्रकरणी सरकारवाडा पोलीस ठाण्यात चोरीचा गुन्हा दाखल करण्यात आला.
