नाशिक दिनकर गायकवाड बसमध्ये चढताना गर्दीचा फायदा घेऊन महिलेच्या गळ्यातील दीड तोळ्याची सोन्याची पोत चोरून नेल्याची घटना ठक्कर बझार येथे घडली.
फिर्यादी लता अशोक शेंगळे (रा. माटुंगा, मुंबई) या दि. ३० ऑक्टोबर रोजी दुपारी २ वाजेच्या सुमारास सप्तशृंगगडावर दर्शनाला जाण्यासाठी आल्या होत्या. त्या
नाशिक ते सप्तशृंगगड बसमध्ये चढत असताना गर्दीचा फायदा घेऊन अज्ञात चोरट्याने शेंगळे यांच्या गळ्यातील ६० हजार रुपये किमतीची दीड तोळा वजनाची सोन्याची पोत चोरून नेली. या प्रकरणी सरकारवाडा पोलीस ठाण्यात अज्ञात चोरट्घाविरुद्ध गुन्हा दाखल करण्यात आला असून,पुढील तपास पोलीस हवालदार घेगडमल करीत आहेत.
