अकोले प्रतिनिधी भंडारदरा धरण परिसरातील जलसंपदा विभागाच्या जागांवर पर्यटन विकास करण्याचे धोरण आखले असून याबाबतचा आराखडाही तयार करण्यात आला आहे. या आराखड्याची अंमलबजावणी करण्यासाठी धरण परीसरात जलसंपदा विभागाच्या जागांची विभागाच्या अधिकाऱ्यांसमवेत पाहणी केली.
अनेक वर्षे झालेल्या दुर्लक्षामुळे जागांवर अतिक्रमण झाली असून निर्धारीत वेळेत ही अतिक्रमण काढण्याच्या सूचना विभागातील अधिकाऱ्यांना यावेळी दिल्या.
'हरित महाराष्ट्र, समृध्द महाराष्ट्र' या उपक्रमाचा भाग म्हणून जलसंपदा विभागाने धरण परीसरात वृक्ष लागवड चळवळ सुरू केली त्याचा शुभारंभही यावेळी केला.
याप्रसंगी आमदार. किरण लहामटे, आमदार . अमोल खताळ, जिल्हा पोलीस अधीक्षक. सोमनाथ घार्गे, प्रांताधिकारी. अरूण उंडे, अधीक्षक अभियंता. बाळासाहेब शेटे,. राजेश गोवर्धने, कार्यकारी अभियंता. स्वप्निल काळे उपस्थित होते.
