जलसंपदा मंत्री विखे पाटील आणि सभापती प्रा.राम शिंदे यांची उपस्थिती
अहिल्यानगर प्रतिनिधी अहिल्यानगर जिल्ह्यातील नवनिर्वाचित आमदारांचा नागरी सत्कार समारंभ शुक्रवार दि.२६जून रोजी भारतीय जनता पक्षाच्या वतीने आयोजित करण्यात आला असल्याची माहीती भाजपाचे जिल्हाध्यक्ष नितीन दिनकर,दिलीप भालसिंग आणि शहराचे अध्यक्ष अनिल मोहीते यांनी दिली.
नुकत्याच पार पडलेल्या राहुरी विधानसभा आणि विधान परीषदेची निवडणुक झाली.राहुरी विधानसभा पोटनिवडणुकीत मुख्यमंत्री देवेंद्र फडणवीस आणि प्रदेशाध्यक्ष आमदार रविंद्र चव्हाण यांच्या नेतृत्वाखाली महायुतीचे उमेदवार आमदार अक्षय कर्डीले मोठ्या मताधिक्याने विजयी झाले. विधान परीषदेच्या निवडणुकीत अहील्यानगरचे भूमिपुत्र आणि गेली अनेक वर्षे पक्षाच्या संघटनात्मक कार्यात योगदान देणारे सुनिल कर्जतकर यांची विधान परिषदेचे सदस्य म्हणून निवड झाली.आमदार विवेक कोल्हे आमदार प्राजक्त तनपुरे यांचीही निवड विधान परिषद निवडणुकीत बिनविरोध झाली, झालेली निवड ही भारतीय जनता पक्षाच्या संघटनात्मक आणि जिल्हयाच्या विकासात्मक वाटचालीला आणि पाठबळ देणारे आहे.
अहिल्यानगर जिल्हा भारतीय जनता पक्षाच्या वतीने शुक्रवार दि.२६ जून २०२६ रोजी दुपारी ३.०० वाजता जिल्हा सहकारी बँकेच्या सहकार सभागृहात जलसंपदा तथा पालकमंत्री ना.राधाकृष्ण विखे पाटील यांच्या अध्यक्षतेखाली आणि विधान परीषदेचे सभापती प्रा.राम शिंदे यांच्या उपस्थितीत सर्व नवनिर्वाचित आमदारांच्या नागरी सत्कार समारंभ आयोजित करण्यात आला असल्याचे पक्षाच्या वतीने सांगण्यात आले.
या सत्कार सोहळ्यास जिल्ह्यातील महायुतीच्या सर्व आमदार नगराध्यक्ष आणि नगरसेवक यांना निमंत्रित करण्यात आले असून, या समारंभास महायुतीच्या सर्व पदाधिकारी आणि कार्यकर्त्यांनी मोठ्या संख्येने उपस्थित राहाण्याचे आवाहन भारतीय जनता पक्षाच्या वतीने करण्यात आले आहे.
