नाशिक दिनकर गायकवाड- विल्होळी जवळ निर्जनस्थळी आढळून आलेल्या 'त्या' इसमाचा खून झाल्याचे पोलीस सूत्रांनी सांगितले असून, या प्रकरणी दोन आरोपींना ताब्यात घेण्यात आले असून, दोन जण फरार आहेत.
पोलिसांनी दिलेली माहिती अशी, सातपूरच्या कामगारनगरमध्ये राहणारा सूरज घोरपडे (वय ४५) याचा मृतदेह विल्होळीजवळ निर्जनस्थळी आढळून आला. तालुका पोलिसांनी घटनास्थळी पाहणी करीत हा घातपाताचा प्रकार असल्याचा संशय व्यक्त केला.मृतदेह शवविच्छेदना करिता जिल्हा रुग्णालयात पाठविण्यात आला होता. तालुका पोलीस ठाण्यात प्रथम आकस्मिक मृत्यूची नोंद करण्यात आली होती.पोलीस पथकाच्या कर्मचाऱ्यांनी माहिती काढली असता संशयित शशी गांगुर्डे याच्याशी सूरज घोरपडे याचा वाद असल्याची माहिती त्यांना मिळाली. तो त्र्यंबकेश्वरला असल्याचे समजताच काल सायंकाळी त्याला सापळा रचून ताब्यात घेतले.
मयत सूरज घोरपडे याचे एका महिलेशी अनैतिक संबंध होते. त्याने काल त्याच्या स्टेटसवर पत्नी समवेतचा फोटो पोस्ट केला होता. याचा राग आल्याने अनैतिक संबंध असलेल्या महिलेने तिच्या नातेवाईकांच्या मदतीने त्याला डोक्यावर वार करत ठार मारले. या प्रकरणी रात्री उशिरापर्यंत तालुका पोलीस ठाण्यात गुन्हा दाखल करण्याचे काम सुरू होते. पुढील तपास तालुका पोलीस करीत आहेत.
