मुंबई सिटीलाईन न्यूज नेटवर्क मुख्यमंत्री देवेंद्र फडणवीस यांच्या अध्यक्षतेखाली त्रिभाषा सूत्रासंदर्भात नुकतीच मुंबई येथील शासकीय निवासस्थानी आढावा बैठक पार पडली.या बैठकीला उपमुख्यमंत्री. एकनाथजी शिंदे, राज्यमंत्री डॉ. पंकज भोयर शिक्षण मंत्री दादा भुसे यांच्यासह शिक्षण विभागातील अधिकारी उपस्थित होते.
मुख्यमंत्री देवेंद्र फडणवीस यावेळी म्हणाले की, त्रिभाषा सूत्रा संदर्भात साहित्यिक, भाषा तज्ज्ञ, राजकीय नेते आणि इतरही सर्व संबंधितांशी चर्चा करुनच अंतिम निर्णय घेण्यात येईल.या विषयावर सांगोपांग चर्चा झाल्यानंतर सर्व राज्यांची स्थिती सर्वांसमोर मांडावी,
नवीन शैक्षणिक धोरणांतर्गत मराठी मुलांचे अकॅडेमिक बँक ऑफ क्रेडिटच्या अनुषंगाने नुकसान होऊ नये, यांसह इतरही पर्यायांवर सर्वांसाठी समग्र सादरीकरण करण्याचा निर्णय या बैठकीत घेण्यात आला. मराठी भाषेचे अभ्यासक,साहित्यिक, राजकीय नेते यासह सर्व
संबंधितां समोर याचे सादरीकरण आणि सल्ला मसलतीची प्रक्रिया राबविण्यात यावी, असे या बैठकीत ठरले. ही सल्ला मसलतीची प्रक्रिया पूर्ण झाल्यावरच अंतिम निर्णय घेण्यात येईल, असेही यावेळी मुख्यमंत्र्यांनी सांगितले. त्यामुळे आता पुढची सल्ला मसलतीची प्रक्रिया प्रारंभ होणार आहे असे यावेळी शिक्षण मंत्री दादा भुसे यांनी स्पष्ट केले.
