आमदार सत्यजित तांबे यांनी घेतली महसूल चंद्रशेखर बावनकुळे यांची भेट
मुंबई सिटीलाईन न्यूज नेटवर्क गेल्या ४०-५० वर्षांपासून संगमनेर मध्येच वास्तव्यास असणाऱ्या नागरिकांना न्याय मिळावा, यासाठी राज्याचे महसूल मंत्री चंद्रशेखर बावनकुळे यांची आमदार सत्यजित तांबे यांनी नुकतीच मुंबई येथे भेट घेवून मागणी केली.
संगमनेर बुद्रुक मधील सर्वे नं. १०६ (४४२) येथील रहिवासी मागील पन्नास वर्षांपासून प्रत्यक्ष ताब्यातील जमिनीवर राहत असून,नियमित घरपट्टी व नळपट्टी भरत आहेत. तरीही महसूल अभिलेखात काही बाह्य व्यक्तींच्या पोकळीस्त नोंदी आहेत. या नोंदी रद्द करून प्रत्यक्ष रहिवाशांच्या नावे ७/१२ व सिटी सर्वे अभिलेख अद्ययावत करण्यात यावेत,अशी मागणी सातत्याने करण्यात येत आहे.
या पार्श्वभूमीवर महसूल मंत्री चंद्रशेखर बावनकुळे यांच्या समोर हा विषय सविस्तरपणे मांडला.संपूर्ण प्रकरणाचं गांभिर्य लक्षात घेत त्यांनी सकारात्मक प्रतिसाद दिला व लवकरच यावर आवश्यक ती कार्यवाही करण्याचं आश्वासन दिलं.
अनेक वर्षांपासून अन्याय सहन करत असलेल्या या नागरिकांना न्याय मिळे पर्यंत माझा पाठपुरावा सुरूच राहील असे आमदार सत्यजित दादा तांबे यांनी स्पष्ट केले
