संभाजीनगर सिटीलाईन न्यूज नेटवर्क छत्रपती संभाजीनगर शहरातील अतिक्रमण हटाव मोहिमेचा सविस्तर आढावा नुकताच जिल्हाधिकारी कार्यालयात घेण्यात आला.
यावेळी पालकमंत्री नामदार संजय शिरसाठ यांच्या अध्यक्षतेखाली पार पडलेल्या या बैठकीत,उच्च न्यायालयाच्या आदेशानुसार सुरू असलेल्या मोहिमेची अंमलबजावणी, त्यातील अडचणी आणि उपाययोजना याबाबत सखोल चर्चा झाली.
वैध परवानाधारक नागरिकांचे हक्क अबाधित ठेवत,आवश्यक ठिकाणी संयुक्त मोजणी करण्यात येणार आहे. अतिक्रमण काढल्यानंतर तात्काळ रस्ते सुधारणा,विजेचे खांब हटविणे आणि भूमिगत वीज वाहिन्यांचे नियोजन करण्याचे निर्देश देण्यात आले आहेत.
या मोहिमेमुळे शहराचा आराखडा शास्त्रीयदृष्ट्या मजबूत होणार असून प्रशासन व लोकप्रतिनिधींच्या समन्वयातून नियोजनबद्ध विकासाला गती मिळणार आहे.
याप्रसंगी नामदार.अतुल सावे,आमदार.संजय केणेकर, आमदार.प्रदीप जैस्वाल,मनपा आयुक्त.श्रीकांत, जिल्हाधिकारी.दिलीप स्वामी, पोलीस आयुक्त.प्रवीण पवार यांसह विविध विभागांचे अधिकारी उपस्थित होते.
