नाशिक दिनकर गायकवाड सुरगाणा तालुक्यात दुपारी अडीच वाजेच्या सुमारास मेघ गर्जनानसह विजांच्या कडकडाटासह घाटमाथ्यावर घागबारी, उंबरपाडा (दि), सराड, हरणटेकडी, संजयनगर वटाबारी परिसरात जोरदार पाऊस झाला. याचवेळी संजयनगर शिवारात टोमॅटो लागवड करीत असलेले धर्मराज देवराम गायकवाड रा. उंबरपाडा, मनोज काशिनाथ चौधरी यांना विजेखा धक्का लागून जखमी झाले.
दोघांना तातडीने बोरगाव येथील प्राथमिक आरोग्य केंद्रात उपचारासाठी दाखल करण्यात आले. धर्मराजला पुढील उपचारासाठी नाशिक जिल्हा शासकीय ग्रामीण रुग्णालयात दाखल करण्यात आले आहे
तर मनोज याच्यावर बोरगाव येथील प्राथमिक आरोग्य केंद्रात उपचार सुरु आहेत. दरम्यान धर्मराजचे काका यशवंत गायकवाड, आई मिनाबाई गायकवाड, भाऊ रोशन गायकवाड हे काही अंतरावर असल्याने ते विजेच्या धक्क्‌यापासून वाचल्याने जीव भांड्यात पडला. याबाबत घागबारीचे पोलीस पाटील गोपाळ गायकवाड यांनी तलाठी हेमंत लहांगे यांना खबर दिली असून तहसीलदार रामजी राठोड यांनी जिल्हा नैसर्गिक आपत्ती व्यवस्थापन विभागास माहिती दिली आहे. तलाठी यांनी पंचनामा केला असून पुढील तपास सुरू आहे.
