कु.अक्षदा रंगनाथ गिते बी.ए.एम.एस.परिक्षेत प्रथम श्रेणीत उत्तीर्ण
आश्वी संजय गायकवाड महाराष्ट्र आरोग्य विज्ञान विद्यापीठ,नाशिक अंतर्गत घेण्यात आलेल्या उन्हाळी-२०२५ परीक्षेचा निकाल नुकताच जाहीर झाला असून या निकालात संगमनेर तालुक्यातील अश्विन रुरल आयुर्वेद महाविद्यालय, मांचीहिल येथे शिक्षण घेत असलेली कु.अक्षदा रंगनाथ गिते हिने बी.ए.एम.एस. अंतिम परीक्षा प्रथम श्रेणीत उत्तीर्ण होण्याचा मान मिळवला आहे.
अक्षदाने अतिशय मेहनत, चिकाटी आणि जिद्दीतून हे यश संपादन केले आहे.तिचे वडील रंगनाथ गिते हे मांचीहिल येथे कार्यालयीन अधीक्षक पदावर कार्यरत असून आई सौ नंदिनी गिते या महात्मा फुले विद्यालय, दाढ बु.येथे शिक्षिका म्हणून कार्यरत आहेत.अक्षदाचे मूळ गाव पिंप्री लौकी (अजमपूर) असून एका सर्वसाधारण ग्रामीण कुटुंबातील मुलगी डॉक्टर झाल्यामुळे तिच्या कुटुंबात आणि गावात आनंदाचे वातावरण आहे.
या यशाबद्दल तिचे चुलते गोरक्षनाथ गिते तसेच आजोबा निवृत्त लष्कर सुभेदार जनार्दन फड यांनी तिचे विशेष कौतुक करून तिला शुभेच्छा दिल्या.
प्रसंगी मांचीहिल संस्थानचे संस्थापक शाळीग्राम होडगर, विश्वस्त डॉ.शैलेन्द्रसिंह होडगर, डॉ.दिग्विजयसिंह होडगर, संचालिका नीलिमा गुणे,अध्यक्ष विजय पिसे,उपाध्यक्ष आण्णासाहेब बलमे, प्राचार्य डॉ. श्यामल निर्मळ,डॉ. संजीव लोखंडे, उपप्राचार्य डॉ. शिवपाल खंडीझोड व सर्व शिक्षकांनी अक्षदाचे यशाबद्दल विशेष अभिनंदन केले आहे.
पिंप्री परिसरासह संपूर्ण भागातून अक्षदावर कौतुकाचा वर्षाव होत आहे.तिच्या यशामध्ये सर्व विषय शिक्षकांचे मार्गदर्शन व आई-वडिलांचा मोलाचा वाटा असल्याचे तिने नमूद केले.ग्रामीण भागातील सर्वसाधारण कुटुंबातील मुलीने डॉक्टर होण्याची स्वप्नपुर्ती केल्याने अक्षदा गिते ही आज तरुणाईसाठी प्रेरणादायी ठरली असून तिचे सर्वत्र कौतुक आणि अभिनंदन होत आहे.
