नाशिक दिनकर गायकवाड ट्रक खरेदीचा व्यवहार करून ठरलेली रोख रक्कम न देता दोघांनी इसमाची १४ लाख रुपयांची फसवणूक केल्याची घटना पंचवटी परिसरात घडली.
याबाबत पोलिसांनी दिलेली अधिक माहिती अशी, की दि. २५ सप्टेंबर २०२३ रोजी फिर्यादी शाहीनाथ सुनील गांगुर्डे (वय २८, रा. पेठ रोड, पंचवटी) यांचा अशोक लेलॅण्ड कंपनीचा एमएच १५ एचएच १४९० या क्रमांकाच्या ट्रकचा व्यवहार आरोपी जाविद सन सय्यद (रा. काझीपुरा, सिन्नर) व जहीर इब्राहिम शेख (रा. भद्रकाली) यांच्याशी ठरला होता. आरोपींनी
ठरल्याप्रमाणे १२ लाख रुपयांची रोख रक्कम न देता वाहनावर असलेल्या कर्जाची देखील परतफेड न केली नाही. त्यांनी आयडीबीआय बँकेचे बंद खात्याचे खोटे चेक देऊन गांगुर्डे यांची १४ लाख २८ हजार रुपयांची फसवणूक केली.आरोपींनी गांगुर्डे यांना वाईटसाईट शिवीगाळ करीत "तुला काय करायचे ते करून घे. मग मला काय करायचे ते मी करतो," असा दम देत गांगुर्डे यांच्या वाहनाचा अपहार केला. या प्रकरणी पंचवटी पोलीस ठाण्यात गुन्हा दाखल करण्यात आला असून, पुढील तपास पोलीस हवालदार सागर कुलकर्णी करीत आहेत.
