स्थानिक गुन्हे शाखेची कारवाई.
अहिल्यानगर प्रतिनिधी पोलीस जिल्ह्यात अवैध अग्निशास्त्रे आणि गावठी कट्टा बाळगणाऱ्या दोन आरोपींकडून दोन गावठी कट्टे व आठ काडतुसे स्थानिक गुन्हे शाखेने नुकतेच हस्तगत केले.
जिल्हा पोलीस अधीक्षक सोमनाथ घार्गे यांनी स्थानिक गुन्हे शाखेचे पोलीस निरीक्षक किरण कबाडी यांना अहिल्यानगर जिल्ह्यामध्ये अवैध अग्निशस्त्रे बाळगणारे इसमांची माहिती घेत कारवाई करणेबाबत आदेश दिलेले आहेत.
प्राप्त आदेशानुसार पोलिस उपनिरीक्षक किरण कबाडी, स्थानिक गुन्हे शाखा यांचे मार्गदर्शनाखाली स्थानिक गुन्हे शाखेचे पोलिस निरीक्षक दिपक मेढे,पोलीस अंमलदार राहुल द्वारके,शाहिद शेख, फुरकान शेख, सोमनाथ झांबरे, विशाल तनपुरे, भगवान थोरात, रमिझराजा आतार, प्रशांत राठोड, महादेव भांड यांचे पथक तयार करुन सदर पथकास अहिल्यानगर जिल्ह्यामध्ये अवैध शस्त्रे बाळगणारे इसमांची माहिती काढुन कारवाई करणेबाबत पथकास सुचना व मार्गदर्शन करुन पथक रवाना केले होते.
नुकतेच हे पथक नेवासा परिसरामध्ये अवैध शस्त्रे बाळगणारे इसमांची माहिती काढत असतांना पथकास गुप्त खबऱ्यामार्फत भारत सोपान कापसे रा.कांगोणी, ता. नेवासा याने गावठी पिस्टल विक्रीसाठी आणलेले असल्याची माहिती मिळाली. पथकाने व्यवसायिक कौशल्याचे आधारे सदर इसमाचा शोध घेता तो कांगोणी गावामध्ये असल्याची माहिती प्राप्त झाली.
पथकाने माहिती ठिकाणी जावुन नमुद इसमाचा शोध घेत असतांना भारत सोपान कापसे (वय २७) वर्षे, रा.मराठी शाळेजवळ, कांगोणी, ता. नेवासा, जि. अहिल्यानगर हा मिळुन आला. सदर इसमास ताब्यात घेवुन त्याचेकडे अग्निशस्त्राबाबत सखोल व बारकाईने विचारपुस करता त्याने दोन गावठी पिस्टल व काडतुसे विक्रीसाठी आणुन त्याचे राहते घरामध्ये ठेवलेले असल्याचे सांगितले.
ताब्यातील इसमाचे घरामधुन६० ,०० रुपये किमतीचे दोन गावठी पिस्टल (अग्निशस्त्रे) व ३००० रुपये किमतीचे आठ जिवंत काडतुसे असा एकुण ६३,०००- रुपये किमतीचा मुद्देमाल जप्त करण्यात आला आहे.
ताब्यातील इसमाविरुध्द पोलिस नाईक/४३ सोमनाथ आसमानराव झांबरे नेम - स्थानिक गुन्हे शाखा, अहिल्यानगर यांचे फिर्यादीवरुन शनिशिंगणापुर पोलीस ठाण्यात येथे आर्म ॲक्ट ३/२५, ७ प्रमाणे गुन्हा दाखल करण्यात आला असुन पुढील तपास शनिशिंगणापुर पोलीस ठाणे करीत आहे.जिल्हा पोलीस अधीक्षक कारवाई सोमनाथ घार्गे यांचे सुचना व मार्गदर्शनाखाली स्थानिक गुन्हे शाखेचे वरील पोलीस अधिकारी व अंमलदार यांनी केलेली आहे.
