स्थानिक गुन्हे शाखा अहिल्यानगरची कारवाई.
शिर्डी प्नतिनिधी शहरातील दत्तनगर येथील दिपक रावसाहेब गोंदकर यांचे साई समर्थ टेलिकॉम नावाचे मोबाईल शॉपी दुकानाचे शटर नुकतेच कोणीतरी अज्ञात चोरट्याने उचकटुन दुकानातील १,6६,४०० रुपये किमतीचे विविध कंपन्याचे मोबाईल चोरुन नेले आहेत.सदर घटनेबाबत शिर्डी पोलीस ठाण्यात गु.र.नं. ९०४9/२०२५ भारतीय न्याय संहिता २०२३ चे कलम ३३१(४), ३०५ (अ) प्रमाणे गुन्हा दाखल करण्यात आला आहे.
वर नमुद गुन्हा ठिकाणी स्थानिक गुन्हे शाखेचे पोलीस निरीक्षक किरणकुमार कबाडी यांच्या नेतृत्वाखाली पोलिस उपनिरिक्षक संदीप मुरकुटे, पोलीस अंमलदार, राहुल द्वारके, विजय पवार,सुनिल मालणकर, रमिझराजा आतार,भगवान धुळे भेट देवुन पाहणी केली होती.
पोलिसांचे पथक हे दिनांक २९ सप्टेंबर रोजी अशा प्रकारे गुन्हे करणारे आरोपींची व्यवसायिक कौशल्याचे आधारे व गुप्त खबऱ्या मार्फत माहिती मिळवत असतांना या पथकास एक इसम शिर्डी ते सिन्नर जाणारे रस्त्यावर समृध्दी महामार्गाचे कडेला एक संशयीत इसम मोबाईल असलेले बॉक्स घेवुन फिरत असल्याची माहिती मिळाली.
पथकाने तात्काळ बातमीतील ठिकाणी जावुन खात्री करुन इसम नामे मनोज यशवंत भोये वय २० वर्षे, रा. घोडांबे, ता. सुरगाणा, जि. नाशिक यास ताब्यात घेवुन त्याचेकडे असल्याचे पिशवीतील मोबाईलची पाहणी करता सदरचे मोबाईल हे वर नमुद शिर्डी पोलीस स्टेशनला दाखल असलेल्या गुन्ह्यातील चोरी गेलेले मोबाईल असल्याची खात्री झाली.
आरोपी नामे मनोज यशवंत भोये याचे झडतीमध्ये विविध कंपन्याचे १,०३,0००० रुपये किमतीचे एकुण नऊ मोबाईल व एक डेमो मोबाईल जप्त करण्यात आले आहे.ताब्यातील आरोपीस शिर्डी पोलीस ठाणे गु.र.नं. ९०४/२०२५ भारतीय न्याय संहिता २०२३ चे कलम ३३१(४), ३०५ (अ) प्रमाणे गुन्ह्याचे तपासकामी मुद्देमालासह हजर करण्यात आले असुन पुढील तपास शिर्डी पोलीस ठाणे करीत आहे. सदरची कारवाई पोलीस अधीक्षक सोमनाथ घार्गे यांच्या सुचना व मार्गदर्शनाखाली स्थानिक गुन्हे शाखेचे वरील पोलीस अधिकारी व अंमलदार यांनी केलेली आहे.
