भाजपचे प्रदेश उपाध्यक्ष डॉ.सुजय विखे पाटील यांचा मुत्सद्दीपणामुळेच तनपुरेंचा भाजप प्रवेश झालाय,यावर या कार्यक्रमात शिक्कामोर्तब झाले. प्रदेशाध्यक्ष रवींद्र चव्हाण यांनी तनपुरेंसारखा प्रश्नांची जाण असलेला तरुण नेता पक्षात आल्यामुळे पक्षाला फायदाच होईल,हे आवर्जून सांगितलं.
पक्षप्रवेशानंतर तनपुरे यांनी अगोदर चव्हाण यांचा व त्यानंतर डाँ. सुजय विखेंचा शाल व पुष्पगुच्छ देऊन सत्कार केला.याच सत्कारानंतर दोन दादा एकत्र आले, आजोबानंतर आता नातूही एक झाले याची आठवण आवर्जून काढली.त्यावेळी एकच हाशा पिकला.
सुजय विखे व प्राजक्त तनपुरे यांनी लोकसभेला एकमेकांच्या विरोधात काम केलं होतं.परंतु आता तनपुरे-विखे ही नवी युती राहुरीच्या विकासाला नवी दिशा देणारी ठरेल,असा विश्वास तनपुरेंच्या कार्यकर्त्यांनी यावेळी व्यक्त केला.तनपुरे यांना मिठी मारण्याची कार्यकर्त्यांची इच्छाही सुजय विखेंनी पूर्ण करताच.टाळ्यांचा कडकडाट झाला.हा सगळा पक्षप्रवेश पाहिल्यावर तनपुरेंना विखेंनीच भाजपमध्ये आणलंय,यावर शिक्कामोर्तब झालं.या पक्ष प्रवेशानंतर राहुरीची गणिते नक्कीच बदलतील,असा विश्वास कार्यकर्त्यांनी यावेळी व्यक्त केला.
