नाशिक दिनकर गायकवाड शहरात आरोग्यसंपदा प्रिव्हेंटिव्ह हेल्थ चेक-अप सेंटर येथे नुकतेच ‘हृदय:सत्य आणि मिथ्या’ या विषयावर विशेष व्याख्यान आयोजित करण्यात आले.होते व्याख्यानाचे प्रमुख वक्ते इंटरव्हेंशनल कार्डिओलॉजिस्ट डॉ. राहुल शेवाळे (एमडी मेडिसिन,डीएम कार्डिओलॉजी, एफएससीएआय – यूएसए) होते.
डॉ.शेवाळे यांनी सांगितले की,मधुमेह असलेल्या प्रौढांना हृदयविकार होण्याची शक्यता सामान्य व्यक्तींपेक्षा २ ते ४ पटींनी जास्त असते. भारतात सुमारे ७.३% प्रौढांना मधुमेह आहे.हृदयविकाराचे प्रमुख जोखीम घटक म्हणून उच्च रक्तदाब (८६%),
तंबाखू व धूम्रपान (७६%), अनियंत्रित मधुमेह (७०%) आणि ट्रान्स फॅट्स व जंक फूड (६२%) यांचा उल्लेख त्यांनी केला.त्यांनी आहारा बाबतच्या गैरसमजुती दूर करताना सांगितले की, फक्त तेलकट अन्नच नव्हे तर जास्त मीठ आणि साखरही धोकादायक आहे.
नियमित व्यायाम, प्राणायाम, निरोगी आहार आणि क्रोध नियंत्रण यावर भर दिला. “प्रतिबंध हाच उत्तम उपाय” हा संदेश या प्रसंगी देण्यात आला.प्रश्न उत्तराच्या सत्रा मध्ये श्रोत्यांच्या मानसिक आरोग्यवरील प्रश्नांना मानसोपचारतज्ञ प्रवीण गांगुर्डे यांनी उत्तरे दिले.कार्यक्रमाचे आभार डॉ पल्लवी पुरकर यांनी मानले.
