डॉ.बाबासाहेब आंबेडकर,छत्रपती शिवराय यांच्याबद्दल बेताल वक्तव्य करणाऱ्या राहुल सोलापूरकर वर गुन्हा दाखल करा.

 [श्रीरामपूर येथे वंचित बहुजन आघाडीची मागणी]

श्रीरामपूर (दिपक कदम) महामानव भारतरत्न डॉ, बाबासाहेब आंबेडकर तसेच छत्रपती शिवाजी महाराज यांच्या बद्दल बेताल वक्तव्य करणाऱ्या माथेफिरू राहुल सोलापूरकर यांच्यावर त्वरित गुन्हा दाखल करावा या मागणीसाठी येथील वंचित बहुजन आघाडीच्या वतीने श्रीरामपूर शहर पोलीस ठाण्यात नुकतेच निवेदन देण्यात आले.

प्रसंगी पोलीस उपनिरीक्षक गणेश जाधव यांना वंचित बहुजन आघाडीचे गटप्रमुख प्रवीण साळवे संपर्कप्रमुख  किशोर ठोकळ गणप्रमुख नवनाथ गुडेकर महिला तालुका अध्यक्ष शोभा नवले पाटील तालुका महासचिव दर्शना काळे तालुका उपाध्यक्ष जयश्री पवार यांच्या हस्ते निवेदन देण्यात आले.त्यांनी दिलेल्या निवेदनात म्हंटले आहे की एका कार्यक्रमांमध्ये राहुल सोलापूरकर याने छत्रपती शिवाजी महाराज तसेच महामानव डॉ. बाबासाहेब आंबेडकर यांच्या बद्दल बेताल वक्तव्य केल्यामुळे आमच्या भावना दुखावल्या असून त्यांच्यावर त्वरीत देशद्रोहाचा तसेच भावना दुखावल्याचा गुन्हा त्वरीत दाखल करावा.

भारतरत्न डॉ बाबासाहेब आंबेडकर छत्रपती शिवाजी महाराज हे महापुरुष बहुजनांची अस्मिता असून त्यांनी देशासाठी व समाजासाठी त्यांचे फार मोठे योगदान असून त्यांचा अवमान आम्ही कदापी सहन करणार नाही माथेफिरू जातीयवादी राहुल सोलापूरकर वर त्वरीत गुन्हा दाखल करून त्याला अटक करण्यात यावी. अन्यथा वंचित बहुजन आघाडीच्या वतीने जिल्ह्यात उग्र स्वरूपाचे तिव्र आंदोलन छेडण्यात येईल असा इशाराही यावेळी निवेदनातून देण्यात आला आहे

.