मुंबई वृत्तसंस्था) उन्हाळ्यात स्मार्टफोन गरम होणे ही एक सामान्य समस्या आहे.सततचा वापर,बॅकग्राउंड ॲप्स आणि जास्त काम केल्याने फोन गरम होऊ शकतो.मोबाईल फोन गरम झाल्यामुळे तो वापरणे कठीण होऊ शकते.तुमचा फोन लवकर गरम होत असेल,तर काळजी करू नका.काही सोप्या मार्गांनी तुम्ही तुमचा स्मार्टफोन थंड करू शकता.
प्रोसेसरचा जास्त वापर: गेम खेळणे,व्हिडिओ एडिटिंग करणे किंवा एकाच वेळी अनेक ॲप्स चालवणे, यांमुळे प्रोसेसरवर जास्त ताण येतो आणि फोन गरम होऊ शकतो.
बॅटरी खराब बॅटरी किंवा बॅटरीशी संबंधित समस्यांमुळे देखील फोन जास्त गरम होऊ शकतो.
चार्जिंग: फोन जास्त वेळ चार्जिंगवर ठेवल्याने तो गरम होऊ शकतो.
ॲप्स : काही ॲप्स बॅकग्राउंडमध्ये चालू राहतात आणि त्यामुळे फोन गरम होऊ शकतो.
केस : फोनचे केसदेखील गरम होण्याचे कारण असू शकते.
स्मार्टफोन थंड ठेवण्याचे उपाय
फोन बंद करा: फोन खूप गरम होत असेल, तर तो काही वेळासाठी बंद करा.
बॅकग्राउंड ॲप्स बंद करा: तुम्ही वापरत नसलेले ॲप्स बंद करा.
ब्राइटनेस कमी करा: स्क्रीनचा ब्राइटनेस कमी केल्याने फोन थंड राहण्यास मदत होऊ शकते.
फोन सावलीत ठेवा: फोन थेट सूर्यप्रकाशात ठेवू नका. सावलीत ठेवल्याने फोन थंड राहण्यास मदत होईल.
केसमधून फोन काढा: जर तुम्ही फोन कव्हर वापरत असाल, तर फोन गरम झाल्यावर केस काढून टाका.
चार्ज करू नका: चार्जिंग करताना फोन गरम झाला, तर तो चार्जिंगमधून काढून टाका.
अपडेट्स इन्स्टॉल करा : फोन आणि ॲप्समधील अपडेट्समुळे अनेकदा गरम होण्याची समस्या दूर होते. म्हणून तुमचा फोन अपडेटेड ठेवा.
फोन थंड जागी ठेवा: फोन रेफ्रिजरेटरमध्ये किंवा बर्फाच्या पॅकवर ठेवू नका.यामुळे फोन खराब होऊ शकतो.
फोन जास्त गरम होऊ नये म्हणून: फोन जास्त वेळ गेम खेळण्यासाठी किंवा व्हिडिओ पाहण्यासाठी वापरू नका.
