चौंडी प्रतिनिधी अहिल्यानगर जिल्ह्यातील चोंडी येथील
पुण्यश्लोक अहिल्यादेवी होळकर सहकारी सूतगिरणी व मुख्यमंत्री ग्रामसडक योजनेंतर्गत चौंडी ते निमगाव डाकू रस्त्याचे भूमिपूजन नुकतेच मुख्यमंत्री देवेंद्र फडणवीस यांच्या हस्ते झाले.
यावेळी उपमुख्यमंत्री एकनाथ शिंदे, उपमुख्यमंत्री अजित पवार, विधानपरिषद सभापती प्रा.राम शिंदे, महसूलमंत्री चंद्रशेखर बावनकुळे,अहिल्यानगरचे पालकमंत्री राधाकृष्ण विखे पा.,सामाजिक न्याय मंत्री संजय शिरसाठ, इतर मागास बहुजन कल्याण मंत्री अतुल सावे, वस्त्रोद्योग मंत्री संजय सावकारे, रोजगार हमी योजना मंत्री भरत गोगावले आदी मान्यवर उपस्थित होते.
चौंडी शिवारातील या सूतगिरणीसाठी रु. ९१ कोटींच्या निधीची तरतूद केली असून कापूस उत्पादक शेतकऱ्यांना त्याचा थेट लाभ होईल. चौंडी ते निमगाव डाकू दरम्यानचा २.७०० कि.मी. लांबीच्या रस्त्यासाठी राज्य शासनाने ३ कोटी ९४ लाख रुपयांच्या खर्चास मान्यता दिली आहे.
