संगमनेर संपत भोसले नागरिकांच्या सुरक्षिततेसाठी संगमनेर शहरांमध्ये अद्ययावत अशी सीसीटीव्ही यंत्रणा व कंट्रोल रूम उभारण्यात आली होती.ही सीसीटीव्ही यंत्रणा बरेच दिवस देखभाल नसल्यामुळे बंद पडून नादुरस्त झाली आहे. याची दखल घेत आमदार अमोल खताळ यांनी राज्याचे परिवहन मंत्री प्रताप सरनाईक यांच्याकडे पत्राद्वारे सदर सीसीटीव्ही यंत्रणा कार्यान्वित करण्यासाठी तसेच नवीन सीसीटीव्ही कॅमेरे बसवण्याची मागणी केली होती.
परिवहन मंत्री सरनाईक यांनी याबाबत तत्काळ दखल घेऊन व्यवस्थापकीय संचालक,एसटी महामंडळ यांना योग्य ते निर्देश दिल्यानंतर एमएसआरटीसी तर्फे उचित कार्यवाही सुरू करण्यात आली आहे. व्यवस्थापकीय संचालक, एमएसआरटीसी, मुंबई सेंट्रल यांनी दिलेल्या माहितीनुसार आय टी डिपार्टमेंट तर्फे संगमनेर बस डेपोच्या ठिकाणी नवीन सीसीटीव्ही बसवणे संदर्भात इ निविदा प्रक्रिया झालेली आहे.
त्याचबरोबर टिसीआयएल या सेवा पुरवठा दाराची नेमणूक झालेली आहे. तसेच नुकत्याच झालेल्या परिवहन मंत्र्यांच्या अध्यक्षतेखाली आयोजित बोर्डाच्या बैठकीत मान्यता व कार्यादेश देण्यात आले आहेत.
संगमनेर हे व्यापारी व आर्थिकदृष्ट्या संपन्न शहर आहे.
लाखो नागरिकांची शहरांमध्ये दररोज वर्दळ असते.महिलांच्या व नागरिकांच्या सुरक्षिततेसाठी नवीन सीसीटीव्ही यंत्रणा आमदार अमोल खताळ यांच्या प्रयत्नांमुळे लवकरच कार्यान्वित आहे एमएसआरटीसी तर्फे नवीन सीसीटीव्ही कॅमेरे बसवल्यानंतर सीसीटीव्ही यंत्रणेचे हस्तांतर पोलीस प्रशासनाकडे केले जाईल.या सर्व सीसीटीव्ही यंत्रणा देखभाल दुरुस्तीची जबाबदारी सुद्धा पोलीस प्रशासनाकडेच राहील असे सांगण्यात आले
