राहाता प्नतिनिधी तालुक्यातील पिंपरी निर्मळ येथील हिंदू मुस्लिम ऐक्याचे प्रतीक असलेला मशीदीआई यात्रा उत्सव मोठ्या उत्साहात सुरू झाला आहे. नवसाला पावणारी मशीदीआई परिसरात प्रसिद्ध आहे. या देवस्थानची यात्रा पिंपरी निर्मळ येथील मुस्लिम बांधवांसह गावातील इतर समाजही साजरा करतो.
यात्रेच्या उत्सव काळात गावातील लग्न होऊन गेलेल्या सर्व समाजातील माता भगिनी दर्शनासाठी उपस्थित राहतात. येथील यात्रा साजरी करण्यासाठी गावातील हिंदू समाज पुढाकार घेतो. सर्व समाजाचे व एकतेचे प्रतीक असलेले मशीदीआई यात्रा रविवार सोमवार व मंगळवार असे तिन दिवस आहे. या यात्रेनिमित्ताने मंगळवारी कुस्त्यांचा हगामा आहे. तालुक्यासह जिल्ह्यातील कुस्तीप्रेमी मल्ल या कुस्त्यांमध्ये सहभाग घ्यावा, असे आवाहन यात्रा कमिटीने केले आहे. चोऱ्या माऱ्या होऊ नये व माता भगिनींना त्रास होऊ नये यासाठी यात्रा कमिटीने चालू वर्षी सुरक्षा व इतर कारणांसाठी सीसीटीव्ही कॅमेरे लावले
आहेत. उत्सव काळात होणाऱ्या सर्व धार्मिक कार्यक्रमांना भाविक भक्तांनी उपस्थित रहावे, असे आवाहन यात्रा कमिटीने केले आहे.
