नाशिक दिनकर गायकवाड अंबड पोलीस ठाणे हद्दीतील महालक्ष्मीनगर परिसरात जुन्या भांडणाची कुरापत काढून एका २५ वर्षीय कामगाराचा धारदार कोयत्याने खून केल्याची घटना घडली. या प्रकरणातील दोघा संशयितांना पोलिसांनी अवघ्या दोन तासात अटक करून गुन्हा उघडकीस आणण्याची उल्लेखनीय कामगिरी अंबड पोलीस ठाण्याच्या गुन्हे शोध पथकाने केली.
शनिवारी रात्री साडेदहा वाजेच्या सुमारास स्वामीनगर, समाज मंदिरासमोर रोडवर प्रशांत सुभाष भदाणे (वय २५, रा. ओमकारेश्वर महादेव मंदिराजवळ, स्वामीनगर, अंबड, नाशिक) यास सुफियान अनिस अत्तार (रा. शामसुंदर रो हाउस नं. ६, अंबड) आणि त्याचा मित्र विक्की बंटी प्रसाद (रा. माऊली लॉग्नाजयक, श्री
स्वामी केंद्रामागे, अंबड) यांनी जुन्या वादातून धारदार शस्त्राने डोक्यावर, चेहन्यावर आणि डाव्या डोळ्याच्या खाली वार करून गंभीर जखमी केले. या हल्ल्यात प्रशांत भदाणे याथा मृत्यू झाला.
या प्रकरणी पोलीस अंमलदार मयुर पवार यांनी फिर्याद दिल्यानंतर अंबड पोलीस ठाण्यात गुन्हा दाखल करण्यात आला. अंबड पोलीस ठाण्याचे वरिष्ठ पोलीस निरीक्षक मधुकर कड यांच्या मार्गदर्शनाखाली पोलीस उपनिरीक्षक नितीन
पुल्लपगारे यांच्या नेतृत्वात गुन्हे शोध पथकाने तातडीने तपास सुरू केला. परिसरातील सीसीटीव्ही फुटेजच्या मदतीने आरोपींची ओळख पटवली गेली. सापळा रचून अवघ्या दोन तासांत संशयीत आरोपी सुफियान अनिस असार (वय १८) व व विक्की बंटी प्रसाद (वय २०) या दोन्ही आरोपींना ताब्यात घेण्यात आले. दरम्यान, मपत प्रशांत भदाणे हा मुळ्या जळगाव जिल्ह्यातील अमळनेर, धरणगाव गावाजवळील पिलखेडा येथील
रहिवासी असून तो सध्या अंबड औद्योगिक वसाहतीतील महालक्ष्मीनगर परिसरात रहात असून अंबड येथील कंपनीत कायमस्वरूपी वर्कर म्हणून काम करत होता. त्याच्या पक्षात आई, वडील व एक बहीण असून सर्वसाधारण कुटुंबातील होता.
त्याच्या या मृत्यूमुळे परिसरात हळहळ व्यक्त केली जात आहे. ही कामगिरी अंबड पोलीस ठाण्याचे वरिष्ठ पोलीस निरीक्षक मधुकर कड,निरीक्षक सचिन खैरनार (गुन्हे),सहाय्यक पोलिस निरीक्षक किरण रौंदळे, सहाय्यक पोलिस निरीक्षक दीपक बागूल, पोलिस
उपनिरीक्षक झनकसिंग घुनावत, पोलिस उपनिरीक्षक नितीन फुलपगारे, पोलिस उपनिरीक्षक संदेश पाडवी, परि. पोलिस उपनिरीक्षक योगेश साळुंखे, राहुल जगझाप, गुंड, मयुर पवार, सागर जाधव, प्रविण राठोड,अनिल गाढवे, सचिन करंजे, समाधान शिंदे, संदिप भुरे, दिपक निकम, योगेश सिरसाठ, राकेश पाटील, विष्णू जाधव, गणेश कोठुळे, संदिप डावरे, तुषार मते, गणेश झनकर, उल्हास गांगुर्डे, शिवाजी गुंजाळ, गजानन पवार आदींनी केली आहे. याप्रकरणी पुढील तपास अंबड पोलीस ठाण्याचे वरिष्ठ पोलीस निरीक्षक मधुकर कड यांच्या मार्गदर्शनाखाली पोलीस उपनिरीक्षक संदेश पाडवी करीत आहेत.
