ठाणे विशाल सावंत– ठाणे महानगरपालिकेच्या वतीने १० ऑगस्ट २०२५ रोजी होणा-या ठाणे महानगरपालिका वर्षा मॅरेथॉन स्पर्धेच्या कार्यालयाचे उद्घाटन नुकतेच महापालिका आयुक्त सौरभ राव यांच्या हस्ते झाले. 'मॅरेथॉन ठाण्याची... उर्जा तरुणाईची' असे यंदाच्या मॅरेथॉन स्पर्धेचे सूत्र आहे.
ठाणे महानगरपालिका वर्षा मॅरेथॉनच्या बोधचिन्हाचे अनावरण करताना आयुक्त सौरभ राव,अतिरिक्त आयुक्त १संदिप माळवी, अतिरिक्त आयुक्त २ प्रशांत रोडे, नगर अभियंता प्रशांत सोनग्रा,उपायुक्त मनीष जोशी,मिनल पालांडे आदी.
स्पर्धकांना नोंदणी करता यावी तसेच स्पर्धे बाबत मार्गदर्शन मिळावे यासाठी ठाणे महानगर पालिकेतील पहिल्या मजल्यावरील धर्मवीर आनंद दिघे सभागृहात मॅरेथॉन कार्यालय सुरू करण्यात आले आहे.
यावेळी अतिरिक्त आयुक्त १ संदीप माळवी,अतिरिक्त आयुक्त २ प्रशांत रोडे, नगरअभियंता प्रशांत सोनग्रा,उपायुक्त मनिष जोशी,मीनल पालांडे, ठाणे जिल्हा ॲथलेटिक्स असोसिएशनचे पदाधिकारी, ठाणेकर ज्येष्ठ नागरिक, शाळेचे विद्यार्थी मोठ्या संख्येने उपस्थित होते.
कोविड १८ च्या पार्श्वभूमीवर ठाणे महानगरपालिका वर्षा मॅरेथॉन घेण्यात आली नव्हती.तद्नंतर सहा वर्षानंतर ही मॅरेथॉन होत असल्याने ठाणेकरांमध्ये उत्साहाचे वातावरण आहे. या स्पर्धेत मुंबई ठाण्यातीलच नव्हे तर महाराष्ट्रातून अनेक स्पर्धक सहभागी होत असतात. त्याचप्रमाणे आर्मीमधील नामवंत खेळाडू सहभागी होत असतात. स्पर्धेत सहभागी होणा-या स्पर्धकांना मॅरेथॉन स्पर्धेची संपूर्ण माहिती मिळावी तसेच स्पर्धेचे प्रवेश अर्ज,चेस्ट नंबर आदी अनुषंगिक कामांची पूर्तता मॅरेथॉनचे कार्यालयात करण्यात येणार असल्याचे आयुक्त सौरभ राव यांनी नमूद केले. यावेळी ठाणे महानगरपालिका वर्षा मॅरेथॉनच्या बोधचिन्हाचे अनावरण आयुक्तांच्या हस्ते करण्यात आले.
जेष्ठ नागरिकांना मॅरेथॉन स्पर्धेच्या अर्जाचे वाटप करताना आयुक्त सौरभ राव
ठाणे महानगरपालिका वर्षा मॅरेथॉन स्पर्धेत जिल्हयातील शालेय विद्यार्थी मोठया संख्येने सहभागी होणार असून स्पर्धकांची नोंद करता यावी तसेच स्पर्धकांना माहीती मिळावी व संपर्क साधता यावा यासाठी सदर कार्यालय सुरू करण्यात आले आहे, तसेच स्पर्धेबाबतच्या बैठकाही या कार्यालयात होणार आहेत. शालेय विद्यार्थ्यापासून ते ज्येष्ठ नागरिकांपर्यत विविध १२ गटात ही स्पर्धा होणार आहे. नागरिकांमध्ये आरोग्यविषयक तसेच क्रिडाविषयक जागरुकता वाढली पाहिजे हा या मागचा हेतू असल्याचे आयुक्त सौरभ राव यांनी नमूद केले. यावेळी आयुक्तांच्या हस्ते ज्येष्ठ नागरिक, शालेय विद्यार्थी यांना स्पर्धेचे अर्ज वाटप करण्यात आले.
या स्पर्धेत ३० हजाराहून नागरिक, ठाणे शहरातील शाळांमधील विद्यार्थी,ज्येष्ठ नागरिक, सेलिब्रेटी, लोकप्रतिनिधी सहभागी होणार असून ठाणेकरांनी मोठ्या संख्येने या स्पर्धेत सहभागी व्हावे असे आवाहन आयुक्त सौरभ राव यांनी केले आहे.
यावेळी ठाणे जिल्हा ॲथलेटिक्स असोसिएशनचे उपाध्यक्ष प्रमोद कुलकर्णी, कृष्णकुमार कोळी, सचिव अशोक आहेर, खजिनदार भूपेंद्र ठाणेकर, सदस्य एकनाथ पवळे, सचिन मराठे, सुशांत पाटील आदी उपस्थित होते.
