नाशिक दिनकर गायकवाड येथील सम्राट स्वीट्स, पांडवनगरी,इंदिरानगर,नाशिक येथे एक इसम पोलीस दलात नसताना,पोलीस अधिकारी, अंमलदार वापरतात तशी वर्दी व ओळखचिन्हे बाळगून फिरत असल्याच्या माहितीच्या आधारे गुन्हे शोध पथकाने सापळा रचून तोतया पोलिसाला अटक केली आहे.
गुन्हे शोध पथकाने सम्राट स्वीट्स परिसरात जाऊन या इसमास ताब्यात घेतले. त्यास नाव, पत्ता आणि पोलीस दलातील नेमणुकीविषयी विचारणा केली असता तो उडवाउडवीची उत्तरे देऊ लागला. त्यास इंदिरानगर पोलीस ठाण्यात आणून चौकशी केली असता त्याने पोलीस नसल्याचे कबूल केले.
त्याच्यावर इंदिरानगर पोलीस ठाण्यात गुन्हा दाखल करण्यात आला आहे.अटक केलेल्या इसमाचे नाव प्रविण पंडीत गोसावी (वय ३६, रा. फ्लॅट नं. ०६, चंद्रमौली अपार्टमेंट, स्वराज्यनगर, पाथर्डी फाटा, नाशिक)असे आहे. ही कारवाई इंदिरानगर पोलीस ठाण्याच्या वरिष्ठ पोलीस निरीक्षक तृप्ती सोनवणे आणि सहा.पोलीस निरीक्षक (गुन्हे) सुनील अंकोलीकर यांच्या सूचनेनुसार करण्यात आली. या कारवाईत गुन्हे शोध पथकाचे पोलीस हवालदार पवन परदेशी, पोलीस शिपाई सागर कोळी, अमोल कोथमिरे, सौरभ माळी, सागर परदेशी, दीपक शिंदे, योगेश जाधव यांनी केली.
