संगमनेर प्रतिनिधी परिवहन मंत्री.नामदार प्रताप सरनाईक सोबत संगमनेर मधील विविध परिवहन विषयक प्रश्नांवर व मागण्यां संदर्भात २४ मार्च रोजी बैठकीत सविस्तर चर्चा केली होती. त्या पाठपुराव्याला यश मिळून २९ मार्च रोजी पहिल्या ५ नवीन बसेस संगमनेर आगारात दाखल झाल्या होत्या आणि आज आणखी ५ नवीन बसेस दाखल झाल्याने केवळ तीन महिन्यांत एकूण १० नव्या बसेस संगमनेरकरांच्या/प्रवाशांच्या सेवेत दाखल झाल्या आहेत.
या नवीन बसच्या लोकार्पण व वाहनपूजनाचा कार्यक्रम आज संगमनेर बसस्थानकात उत्साहात पार पडला. धार्मिक रिती रिवाजानुसार नवीन बसेसची पूजा करून सहकाऱ्यांसह बसची सवारी केली. या नवीन बस पाहून मनाला समाधान वाटलं. संगमनेर आगारातील अपुऱ्या
एस.टी. बसेसमुळे ग्रामीण भागातील नागरिकांना विद्यार्थ्यांना व नोकरदारांना अनेक अडचणींना सामोरे जावे लागत होते. या नवीन १० बसेसमुळे त्यांची अडचण नक्कीच दूर होईल या कार्यक्रमाला शिवसेना महायुतीचे पदाधिकारी, कार्यकर्ते, महामंडळाचे अधिकारी कर्मचारी यांच्यासह परिसरातील नागरिक उपस्थित होते.
