नाशिक दिनकर गायकवाड अज्ञात इसमाने दोन मुलींना कशाचे तरी आमिष दाखवून फूस लावून पळवून नेत त्यांचे अपहरण केल्याच्या नोंदी पोलीस ठाण्यात करण्यात आल्या आहेत.
अपहरणाचा पहिला प्रकार सातपूर येथे घडला.फिर्यादी यांची मुलगी दि. ४ ऑगस्ट रोजी सायंकाळी ७ वाजेच्या सुमारास कार्बन नाका येथे होती. त्यावेळी या मुलीला कोणी तरी अज्ञात
इसमाने कशाचे तरी आमिष दाखवून फूस लावून पळवून नेत तिचे अपहरण केले. या प्रकरणी सातपूर पोलीस ठाण्यात अज्ञात इसमाविरुद्ध अपहरणाचा गुन्हा दाखल करण्यात आला आहे. पुढील तपास पोलीस उपनिरीक्षक वाघमारे करीत आहेत.
अपहरणाचा दुसरा प्रकार नाशिकरोड येथे घडला.फिर्यादी व त्यांची मुलगी दि. ४ ऑगस्ट रोजी सायंकाळी साडेसात
वाजेच्या सुमारास नाशिकरोड येथील दुर्गा मंदिरात दर्शनासाठी गेल्या होत्या. त्यावेळी फिर्यादी यांच्या मुलीला कोणी तरी अज्ञात इसमाने फिर्यादीच्या कायदेशीर रखवालीतून फूस लावून पळवून नेत तिचे अपहरण केले. या प्रकरणी नाशिकरोड पोलीस ठाण्यात अपहरणाचा गुन्हा दाखल करण्यात आला असून,पुढील तपास पोलिस उपनिरीक्षक माळी करीत आहेत.
