नाशिक दिनकर गायकवाड तरुणांमध्ये वाढत चाललेली व्यसनाधीनता लक्षात घेऊन नाशिक पोलीस आयुक्तालय व पंचवटी पोलिस ठाण्यातर्फे गोदा घाटावरील दुतोंड्या मारुती मंदिरामागे असलेल्या प्रांगणात अमली पदार्थविरोधी जनजागृती अभियान तसेच स्वच्छ गोदा व सामाजिक जनजागृती अभियान राबविण्यात आले.
अध्ययन डिफेन्स अकॅडमी यांच्या सहकार्याने पंचवटी पोलीस ठाण्यामार्फत राबविण्यात आलेल्या अमली पदार्थविरोधी जनजागृती अभियानात सहभागी विद्यार्थ्यांनी नुक्कड नाटक व विविध उपक्रम सादर केले. यावेळी वरिष्ठ पोलीस निरीक्षक गजेंद्र पाटील, गुन्हे शोध पथकाचे सहाय्यक पोलीस निरीक्षक सतीश शिरसाठ, गुन्हे शोध पथकाची टीम, गोपनीय विभागातील अंमलदार, अध्ययन अकॅडमीचे पदाधिकारी व सभासद उपस्थित होते.
स्वच्छ गोदा सामाजिक जनजागृती अभियान राबविण्यात येऊन नागरिकांनी नदीपात्रात प्रदूषण करू नये, निसर्गाचा समतोल राखण्यासाठी नदीपात्रात होणारे प्रदूषण रोखणे काळाची गरज असल्याचे सांगून जनजागृती करण्यात आली.
