दाढ खुर्द किशोर वाघमारे संगमनेर तालुक्यातील पूर्व भागातील शिर्डी विधानसभा मतदारसंघातील खळी येथे संत श्री भगवान बाबा देवस्थान नावे खळी गावच्या प्रमुख चौकामध्ये स्वागत कमानीचे सुंदर असे बांधकाम गावकऱ्यांच्या लोकवर्गणीतून होणार आहे.
यावेळी राजहंस दूध संघाचे अध्यक्ष राजेंद्र चकोर यांनी आपले मनोगत व्यक्त करत श्री संत भगवान बाबा देवस्थान नावाने आपल्याकडे गावांमध्ये कमान होत असल्याचा आनंद असून या कमानीने आपल्या गावाच्या मुख्य चौकाला आगळ वेगळं स्वरूप येणार असून या कमानी लगत शिवाजी महाराजांचे सुंदर असे स्मारक होऊन येथे गाय व वासरू शेतकऱ्यांचा आवडता चिन्ह या कमानी लगत असणारा असून या कमानीसाठी गावातील सर्व नागरिकांनी लोक वर्गणी साठी आपल्या घरातील प्रिय व्यक्तीच्या स्मरणार्थ त्यांच्या नावे सदर कमानीला देणगी स्वरूपात मदत करावी कारण या स्वागत कामानीचे खर्च मोठा असून दगड व नक्षी कामांमध्ये सुंदर नक्षीकाम करून तिचे बांधकाम करणार आहे व लवकरच बांधकाम पूर्ण केले जाणार आहे.
गावातील सर्व नागरिकांनी दानशूर व्यक्तींनी संत भगवान बाबा कमानीला मदत करावी असे आवाहन केले यावेळी श्री खंडोबा देवस्थान ट्रस्टचे अध्यक्ष किशोर वाघमारे ॲड.प्राध्यापक बाळासाहेब वाघमारे युवा नेते सुरेश नागरे आदींनी आपले मनोगत व्यक्त केले.
कार्यक्रमासाठी प्रमुख उपस्थिती म्हणून गावचे विद्यमान सरपंच विलास गजानन वाघमारे उपसरपंच तसेच राजहंस दूध संघाचे उपाध्यक्ष राजेंद्र चकोर जनसेवा युवक नेते सुरेश नागरे सेवा सोसायटीचे अध्यक्ष सूर्यभान सानप भोलेनाथ दूध संस्थेचे विद्यमान अध्यक्ष भाऊसाहेब नागरे
सोन्या बापू लबडे संतोष सानप सोपान उगलमुगले दिलीप घुगे शिवाजी वाघमारे सुनील सानप नामदेव लबडे बबन नागरे नवनाथ थोरात सलीम शेख सुभाष तांबे दिगंबर लोहाळे प्रकाश मांढरे आदी मान्यवर मोठ्या संख्येने या कार्यक्रमासाठी उपस्थित होते त्यावेळी उपस्थित मान्यवराच्या वतीने गावातील संपूर्ण नागरिकांना विजय दशमी दसरा व धम्मचक्र परिवर्तन दिनानिमित्त हार्दिक शुभेच्छा देण्यात आल्या.
