स्थानिक गुन्हे शाखेकडून आरोपी जेरबंद
शिर्डी प्रतिनिधी आंतरराष्ट्रीय तिर्थक्षेत्र म्हणून ओळखल्या जाणाऱ्या शिर्डीच्या नजीक असलेल्या सावळीविहीर बुद्रुक येथील के. के. मिल्क जवळील दगडाचे खाणीमध्ये एक अनोळखी पस्तीस वर्षीय महिलेचा मृतदेह आढळुन आलेला होता. या घटनेबाबत शिर्डी पोलीस ठाण्यात अकस्मात मृत्यु रजि. नंबर ३२/२०२३ सी. आर.पी.सी. १७४ प्रमाणे अकस्मात मृत्युची नोंद करण्यात आलेली होती.सदर अकस्मात मृत्युचे तपासामध्ये यातील मयत महिला हिचा गळा आवळुन खुन झाल्याचा अहवाल प्राप्त झाल्याने सपोनि पप्पु यासीन कादरी नेम - शिर्डी पोलीस ठाणे यांनी दिलेल्या फिर्यादीवरुन शिर्डी पोलीस स्टेशन गु.र.नं. २८७2/२०२४ भादवि कलम ३०२, २०१ प्रमाणे अज्ञात आरोपीविरुध्द खुनाचा गुन्हा दाखल करण्यात आलेला असुन सदर गुन्हा अद्याप पावेतो उघडकीस आलेला नव्हता.
छाया रेखांकन-प्रकाश कदम
जिल्हा पोलिस अधीक्षक सोमनाथ घार्गे, यांनी स्थानिक गुन्हे शाखेस अहिल्यानगर जिल्ह्यातील ना उघड खुनाचे गुन्ह्याची माहिती संकलित करुन गुन्हे उघडकीस आणणेबाबत आदेश दिलेले आहेत. सदर आदेशानुसार स्थानिक गुन्हे शाखेचे पोलीस निरीक्षक किरणकुमार कबाडी यांच्या नेतृत्वाखाली ना उघड खुनाचे गुन्हे उघडकीस आणणेबाबत विशेष पथक तयार करण्यात आले. या पथकामध्ये स्थानिक गुन्हे शाखेचे पोलिस उपनिरीक्षक दिपक मेढे,पोलीस अंमलदार विजय पवार,ह्रदय घोडके, लक्ष्मण खोकले, दिपक घाटकर, रमीझराजा आतार, सुनिल मालणकर, भगवान धुळे यांना नेमण्यात आलेले आहे.
वर नमुद पथक हे अहिल्यानगर जिल्ह्यातील ना उघड खुनाचे गुन्ह्याची माहिती संकलित करुन आरोपींची माहिती काढत असतांना व्यवसायिक कौशल्य व गुप्त बातमीदाराचे मार्फत वर इसम नामे आकाश मोहन कपिले रा. शिर्डी, ता. राहाता याने मागील दोन वर्षापुर्वी एका महिलेस के. के. मिल्क जवळील दगडाचे खाणीजवळ नेवुन तिस ठार मारुन तिचा मृतदेह खाणीमध्ये टाकलेला असल्याची माहिती प्राप्त झाली.
सदर माहितीचे आधारे आकाश कपिले याचा शोध घेत असतांना तो शिर्डी या ठिकाणी मिळुन आल्याने त्यास ताब्यात घेवुन त्याचे पुर्ण नांव गांव विचारता त्याने त्याचे नांव आकाश मोहन कपिले वय २८ वर्षे, रा. विठ्ठलवाडी, शिर्डी, ता. राहाता, जि. अहिल्यानगर असे असल्याचे सांगितले.
त्यास नमुद गुन्ह्याबाबत विश्वासात घेवुन सखोल व बारकाईने विचारपुस करता त्याने कळविले की,त्याचा मानलेला मामा संदिप रावसाहेब झावरे रा. शिर्डी ता. राहाता याने शिर्डी बस स्थानक येथे बाहेरील राज्यातील बस बुकींगचे करारपत्र केलेले होते. त्यावेळी तो त्याचे मामा सोबत शिर्डी बस स्थानक येथे प्रवाशी बुकींगचे काम करत होता. शिर्डी बस स्थानक येथे भिक्षा मागणारी अनोळखी मयत महिला हि त्यास ''तु माझा नवरा आहे'' असे वेळोवेळी बोलत होती.त्यावरुन बस स्थानक मधील इतर लोकही त्यास सदर बाबत चिडवत होते.
सदर कारणाचा राग मनात धरुन त्याने त्याचे वाढदिवसाचे दिवशी त्याचे कडील होडा कंपनीची डिओ मोपेड गाडी क्रमांक एम एच१७ बी डब्लु ६९५० हिचेवरुन शिर्डी बस स्थानकवर भिक्षा मागणारी मयत महिला हिस स्थानक येथुन सावळीविहीर गावचे शिवारातील के.के. मिल्क जवळील दगडाच्या खाणीजवळ नेवुन तिचा गळा आवळुन खुन केल्याचे व तिचे प्रेत खाणीमध्ये टाकले असल्याची कबुली दिली आहे.
स्थानिक गुन्हे शाखेचे पथकाने मागील दोन वर्षापुर्वी झालेल्या खुनाचे गुन्ह्यामध्ये कोणताही धागादोरा नसतांना कौशल्य पणाला लावुन वरील गुन्हा उघडकीस आणलेला आहे. ताब्यातील आरोपीस शिर्डी पोलीस स्टेशन गु.र.नं. २८७/२०२४ भादवि कलम ३०२, २०१ प्रमाणे गुन्ह्याचे तपासकामी शिर्डी पोलीस ठाणे येथे हजर केले असुन गुन्ह्याचा पुढील तपास शिर्डी पोलीस ठाणे करीत आहे.
हि कारवाई पोलीस अधीक्षक सोमनाथ घार्गे यांचे सुचना व मार्गदर्शनाखाली स्थानिक गुन्हे शाखेचे वरील पोलीस अधिकारी व अंमलदार यांनी केलेली आहे.
