नाशिक दिनकर गायकवाड आफ्रिकन स्वाइन फीवरच्या प्रादुर्भावाबाबत सर्वतोपरी तपासणी करण्यात येत असून, सध्या अशा प्रकारचे रुग्ण जिल्ह्यात आढळून आलेले नाहीत, याबाबत सर्वांना खबरदारी घेण्याचे आदेश देण्यात आले आहेत.
पशुसंवर्धन विभागाच्या वतीने वराहापासून वराहांना होणाऱ्या आफ्रिकन स्वाइन फीवरचा प्रादुर्भाव पाहता जिल्ह्यात पशुसंवर्धन उपायुक्त प्रशांत धर्माधिकारी यांच्या मार्गदर्शनाखाली मोहीम राबविण्यात आली होती. या मोहिमेमध्ये कुठल्याही प्रकारे अशा प्रकारचा प्रादुर्भाव आढळून आलेला नाही. अजूनही याबाबत वेगवेगळ्या भागांमध्ये तपासणी
करण्यात येत आहे नागरिकांना देखील आवश्यक त्या सूचना देण्यात आलेल्या आहेत.याबाबत पशुसंवर्धन उपायुक्त प्रशांत धर्माधिकारी यांनी प्रसिद्ध केलेल्या पत्रकामध्ये म्हटले आहे, की जिल्ह्यातील शरण ऑफ ॲनिमल या संस्थेमध्ये तपासणी करण्यात आली. त्या ठिकाणी अशी कोणत्याही प्रकारची लक्षणे
जिल्ह्यातील आढळून आली नाहीत, तसेच विविध ठिकाणी तपासणी करण्यात येत आहे. पशुवैद्यकीय अधिकारी हे या परिस्थितीवर लक्ष ठेवून आहेत. महानगरपालिका, नगरपालिका व इतर संस्थांनाही आवश्यक ती खबरदारी घेण्याबाबत सांगितले आहे, असे सांगून धर्माधिकारी म्हणाले, की जिल्ह्यात अशा स्वरूपाच्या प्रादुर्भावाबाबत प्रशासन बारकाईने लक्ष ठेवून आहे.
