गॅस टॅकर मधुन,व्यवसायिक गॅस टाक्यामध्ये गॅस रिफीलिंग करणारे आरोपी ४१,२६,३३९ रुपये किमतीचे मुद्देमालासह स्थानिक गुन्हे शाखेकडुन जेरबंद.
अहिल्यानगर प्नतिनिधी गॅस टॅकर मधुन,व्यवसायिक गॅस टाक्यामध्ये गॅस रिफीलिंग करणारे आरोपी ४१,२६,३३९ रुपये किमतीचे मुद्देमालासह स्थानिक गुन्हे शाखेकडुन नुकतेच जेरबंद झाले.
सविस्तर वृत्त असे की नुकतेच अहिल्यानगर स्थानिक गुन्हे शाखेचे पोलिस निरिक्षक किरणकुमार कबाडी, यांना गुप्त खबऱ्या मार्फत, केडगाव बायपास रोडलगत असलेल्या अनुराज टायर या गोडऊन मध्ये अवैधरित्या टॅकरमधुन व्यवसायिक गॅस टाक्यामध्ये रिफीलिंग करत असल्याची खात्रीशीर माहिती मिळाली.
पोलिस निरीक्षक किरण कबाडी यांनी स्थानिक गुन्हे शाखेतील पोलीस अधिकारी हरिष भोये,अनंत सालुगडे, व पोलीस अंमलदार लक्ष्मण खोकले, ह्रदय घोडके, दिपक घाटकर, बिरप्पा करमल, राहुल द्वारके, शामसुंदर जाधव, भिमराज खर्से, राहुल डोके, बाळासाहेब नागरगोजे, सोमनाथ झांबरे, सतिष भवर, योगेश कर्डिले, प्रमोद जाधव, प्रशांत राठोड,चालक अर्जुन बडे, भगवान धुळे, अरुण मोरे अशांचे पथक नेमुन बातमीतील ठिकाणी जावुन खात्री करुन कारवाई करणे बाबत आवश्यक सुचना देवुन पथकास रवाना केले.
वर नमुद पथकाने तात्काळ केडगाव बायपास रोडलगत असलेल्या पत्र्याचे गोडाऊनमध्ये गॅस रिफिलींग होत असल्याची खात्री झाल्याने, सदर ठिकाणी छापा टाकुन गॅस रिफीलिंग करत असलेले इसमांना ताब्यात घेवुन, त्यांना पोलीसांची व पंचांची ओळख सांगुन, त्यांचे नांव गाव विचारले असता, त्यांनी त्यांचे नांव १) कृष्णा मधुकर दहिफळे वय- ३० वर्षे रा. कोळवाडी, पोस्ट किनगाव, ता. अहमदपुर, जि. लातुर, २) अदित्य सुनिल पवार वय - २१ वर्षे रा. बीबी ता.लोणार जि. बुलढाणा, हल्ली रा. निल हॉटेल केडगांव अहिल्यानगर, ३) विश्वास त्रिंबक शिंदे वय -५१ वर्षे रा. केडगांव, अहिल्यानगर, ४) जनातुल शेख वय- १९ वर्षे रा. चापरा, बांगलजी, ता.नदीया, जि.नदीया, वेस्ट बंगाल, हल्ली रा.निल हॉटेल, केडगांव अहिल्यानगर, असे असल्याचे सांगितले.
त्यानंतर गोडाऊनचे मालकाबाबत विश्वास त्रिंबक शिंदे, यांचेकडे विचारपुस करता सदर गोडऊनचे मालक ५) राजु साबळे रा. केडगांव अहिल्यानगर (फरार) असे असल्याचे सांगितले. ताब्यातील इसमांना ते रिफिलींग करित असलेल्या कामाबाबत परवाना आहे काय? याबाबत विचारपुस करता त्यांनी आमच्याकडे कोणत्याही प्रकारचे परवाना नसल्याचे सांगुन, स्वतःचे आर्थिक फायद्या करीता एच.पी गॅस टॅकरमधुन जुगाड करुन व्यवसायिक गॅस टाक्यमामध्ये भरत असल्याचे सांगितले.
पथकाने घटना ठिकाणचा पंचासमक्ष पंचनामा करुन १) ८,३६,३३० रुपये कि.चे एच.पी. कंपनीचा गॅस १७ टन गॅस, ४०,००,०० रुपये कि.चे टॅकर, २) ६०,००० रुपये किमतीच्या भारत गॅस कंपनीच्या २० रिकाम्या गॅस टाक्या, ३) २२,५०० रुपये किमतीच्या भारत गॅस कंपनीच्या ०५ भरलेल्या गॅस टाक्या, ४) २,००,०००- रुपये किमतीचा एक छोटा हत्ती टेम्पो ,५) ५०० रुपये कि.ची एक अडजेस्टेबल लोखंडी पाना, ६) ५,००० रुपये कि.चा एक इलेक्ट्रॉनिक वजनकाटा, ७)२००० -रु कि.चा गॅस भरण्यासाठी वापले जाणारे पाच पाईप असलेले नौजल असा एकुण ४१,२६२,३३९ रुपये किमतीची मुद्देमाल ताब्यात घेतला आहे.
ताब्यात घेतलेल्या आरोपींनी शासनाचा कोणत्याही प्रकारचा परवाना न घेता, बेकायदेशिररित्या स्वतःचे आर्थिक फायद्या करीता एच.पी. कंपनीच्या गॅट टॅकरमधुन भारत गॅस कंपनीच्या व्यवसायीक गॅस टाक्यामध्ये रिफिलींग करतांना ज्वलनशिल पदार्थाबाबत पुरेशी काळजी न घेता स्वत:चे व इतरांचे जिवीतास धोका होईल, अशा धोकादायक पध्दतीने रिफिलींग करतांना मिळुन आलेले आहे.
ताब्यातील आरोपी विरुध्द कोतवाली पोलिस ठाण्यात गु.र.नं.१११० /२०२४ भारतीय न्याय संहिता कलम २८७, २८८ सह जीवनावश्यक वस्तु कायदा १९५५ चेकलम ३'७, सह एल पी जी (पुरवठा आणि वितरण नियमन) आदेश २००० चेकलम ३(२)(बी) सह गॅस सिलेंडर अधिनियम २०१६ चेकलम ४३, ४५, ४६, सह स्फोटके अधिनियम १८८४ चेकलम ९(बी) गुन्हा दाखल करण्यात आला आहे. पुढील तपास अहिल्यानगर कोतवाली पोलीस ठाणे करीत आहे. पोलीस अधीक्षक सोमनाथ घार्गे यांचे सुचना व मार्गदर्शनाखाली स्थानिक गुन्हे शाखेचे वरील पोलीस अधिकारी व अंमलदार यांनी कारवाई केली आहे.
